Ang alcohol ay ipinagbabawal dahil maari itong makasama sa bata. Ukol naman sa pag inom ng mga inuming may caffeine tulad ng sopdrinks at kape, maari itong inumin ngunit limitahan lamang ang pagkonsumo nito. Mas makakabuti pa ring iwasan ang pag inom ng ganito habang ikaw ay nagububntis.
Ang paninigarilyo habang buntis ay nakakasama para sa sanggol sa sinapupunan. Una, maaring bumaba ang timbang ng sanggol ng abot sa 200g at maari pang magkaroon ng abnormality ang bata. WAG MANINIGARILYO habang nagbubuntis
Ang eksaminasyon ng ngipin ay dapat na kasama sa prenatal check-up. Ang malilinis at malulusog na mga ngipin ay mahalaga. Ang pagkasira ng ngipin ay hindi pinalalala ng pagbubuntis. Maaari pa ring magpapasta o magpabunot ng ngipin kahit nagdadalangtao.
Uminom ng maraming tubig upang maiwasan ang pagkatibe o ang pagkakaroon ng matigas na dumi. Kailangan ding mag-ehersisyo. Mas madalas ding magkaroon ng almuranas ang isang babae habang nagbubuntis.
Kinakailangang comportable ang damit at hindi nalilimitahan ang pag galaw ng ina. Gumamit ng bra na tama ang sukat at comportable upang makasuporta ng mabuti. Iwasan ang mga pantalon na kung saan ay mahihirapan kumilos ang buntis.
Hindi pinagbabawal ang pagligo habang buntis. Mag-ingat upang hindi madulas lalo na dahil bumibigat na ang tiyan.
Ang malulusog na mga nagdadalangtao ay maaari pa ring bumyahe basta’t mag-ingat lamang at gumamit ng seatbelts. Mag-ingat din upang hindi mahawa sa mga may sakit.